तारा मात्रै हैन तिमीलाई जून दाईजो दिइदिउँला
माग तिमी तिमीलाई मेरो जिन्दगी नै दिइदिउँला
तिमीलाई मेरो झिलिमिली आकाश नै ओढाउँला
त्यो पाउमा रंगीचङ्गी वसन्त चढाउँला
तिमीले पाउ टेक्ने ठाउँमा शीतका थोपा छरिदिउँला
तिमीले श्वास फेर्ने ठाउँमा सुवासले भरिदिउँला
तिमीलाई मेरो मुटुको यो ढुकढुकीले जगाउँला
ती नसामा जोबनको मधुधारा बगाउँला
सुकुमारी तिम्रा ओठ ती ओठमा सँगालुँला
तिमीलाई मेरै न्यानो न्यानो अँंगालोमा म अंँगालुँला
तारा मात्रै हैन तिमीलाई जून दाईजो दिइदिउँला
माग तिमी तिमीलाई मेरो जिन्दगी नै दिइदिउँला
Songwriter: Kiran Kharel
Comments
Post a Comment