झरी परेको दिन आकाश हेरिरहेँ
तिमी आउने दिन भनी कति पर्खिएँ
कालो बादलले निलो आकाश ढाकिदियो
तिम्रो मुस्कानलाई पर्खिरहेँ
समय बितिसक्यो, तर तिमी आएनौ
एकैचोटि म आत्तिएँ
कहाँ गएछ त्यो विशाल चरी
मेरो मायालाई लिएर ?
पहाडको माझमा एक्कासि झस्क्यौ होला
सेतो हिमालको काखमा एक्कासि बिउँझ्यौ होला
पहाडको माझमा एक्कासि झस्क्यौ होला
तिम्रो मुस्कान अनि हाँसो कसरी बिर्सूँ ?
दिन बित्दै गयो, रात बित्दै गयो
तिमी आउँछौ भन्ने आशा रहेन
कता जाऊँ अब, कहाँ खोजूँ अब
छातीभरि व्यथा लिएर ?
पहाडको माझमा एक्कासि झस्क्यौ होला
सेतो हिमालको काखमा एक्कासि बिउँझ्यौ होला
पहाडको माझमा एक्कासि झस्क्यौ होला
तिम्रो मुस्कान अनि हाँसो कसरी बिर्सूँ ?
Songwriter: Babin Pradhan
Comments
Post a Comment